Стральба з табельнага пісталета, крос, фізічныя практыкаванні і аказанне першай медыцынскай дапамогі. У Гродне праходзіць незвычайнае спаборніцтва. Усе яго удзельнікі ў пагонах. Лепшага ўчастковага інспектара Беларусі выбіралі на гэтым тыдні ў абласным цэнтры. Некалькі дзясяткаў супрацоўнікаў МУС і строгае журы. На думку экспертаў, такога кшталту конкурсны агляд – найбольш эфектыўная матывацыя супрацоўнікаў.
Пераможцаў конкурсу вызначаць у асабістых і камандных заліках. Лепшых чакаюць ганаровыя падзякі, прызы, а таксама званне лепшага участковага інспектара краіны.