Веды беларускіх спецыялістаў шырока запатрабаваныя за мяжой. Так, да прыкладу, Зімбабвэ вылучыць беларускім аграрыям 10 тысяч га зямлі для жывёлагадоўлі і вырошчвання сельгаскультур. Аб гэтым гаварылі сёння падчас сустрэчы кіраўніка спраў Прэзідэнта Віктара Шэймана з дзелавымі коламі. Зараз нашы эксперты ў гэтай галіне вывучаюць састаў мясцовай глебы, а ўжо вясной туды адправяцца неабходныя ўгнаенні і айчынная тэхніка. У планах - вырошчваць рыс, пшаніцу і сою, а таксама цытрусавыя, арэхі, авакада і манга. Частку ўраджаю рэалізуюць на мясцовым рынку, астатняе будуць пастаўляць у Беларусь, Расію і ЕС. Да канца года разлічваюць закласці аснову для вытворчасці і перапрацоўкі мяса-малочнай прадукцыі.
У канцы красавіка Беларуская гандлёва-прамысловая палата арганізуе дзелавы візіт і падпісанне пагаднення з Нацыянальнай гандлёвай палатай Зімбабвэ. Таксама прапрацоўваецца падрыхтоўка нацыянальнай экспазыцыі на выставе ў Харарэ.
