На завяршальны этап выйшла падрыхтоўка дакументаў да выдачы генеральнай ліцэнзіі на будаўніцтва першага блока атамнай станцыі. Пра гэта паведаміла сёння кіраўнік Дзяржатамнагляда Вольга Лугоўская падчас анлайн-канферэнцыі на сайце БЕЛТА.
Кіраўнік дэпартамента таксама паведаміла, што падрабязна вывучыць усю інфармацыю аб падрыхтоўцы і будаўніцтве Беларускай атамнай электрастанцыі можна будзе ў нацыянальным дакладзе па канвенцыі аб ядзернай бяспецы, які будзе апублікаваны да канца гэтага тыдня на афіцыйным сайце МАГАТЭ. Асобны артыкул у ім будзе прысвячацца пытанням выбару пляцоўкі для будаўніцтва Беларускай АЭС.