Працаваць паскоранымі тэмпамі дазваляе ўмеранае надвор'е. Аграрыі Мінскай вобласці зараз косяць шматгадовыя травы: люцэрну і канюшыну. Яны багатыя на бялок, таму самыя карысныя для жывёлы.
Плошча першага ўкосу - звыш мільёна гектараў. Галоўнае - правільна яе апрацаваць. Аб тэхналогіях палявых работ даведалася Юлія Токар.
Каб працаваць без замінак, кожны механізатар да пачатку ўкосу траў правярае тэхнічны стан свайго камбайна. І вось ужо другі тыдзень запар Аляксандр Лаўрэцкі ў тандэме з падвозчыкам гектар за гектарам апрацоўваюць зямлю.
Скасіць шматгадовыя травы на палях гаспадаркі "Шыпяны" спяшаюцца. Але ж і пра якасць клапоцяцца. Плошчы з люцэрнай і канюшынай, багатых на бялок, для дзвюх малочна-таварных ферм і комплексу на тысячу галоў дойнага статку важна апрацаваць па тэхналогіі.
З першага ўкосу траў тут плануюць нарыхтаваць восем тысяч тон сенажу. Пажыўны корм звозяць вось у гэтыя траншэі. Узровень вільгаці ў кожнай партыі правярае галоўны заатэхнік Аляксандр Букетаў.
Для большай прадукцыйнасці палявую методыку ўдасканальваюць кожны сезон.
Сёлета першы ўкос траў у Мінскай вобласці пачаўся раней. Умераныя тэмпературы і кароткачасовыя дажджы дазволілі працаваць без асаблівых перапынкаў. Аграрыі ведаюць, малочныя рэкі бяруць вытокі з палёў, таму ўжо сёння плануюць і другі этап нарыхтоўкі кармоў.
Нарыхтоўка кармоў першага ўраджаю сёлета завершыцца ранней за тэрмін
28 мая 2019