На фінішную прамую ўборачнай кампаніі выйшла Мінская вобласць - там убрана больш як 80 % ураджаю. Цэнтральны рэгіён пераадолеў знакавую мяжу - намалочана 1 млн тон збожжа. У першую чаргу, гэта заслуга лідараў жніва - вадзіцеляў і камбайнераў.
Так, у Клецкім раёне мясцовы экіпаж Алега Паніча і Аляксандра Салодкага першым у рэгіёне ўбраў больш як 3 тыс. тон на айчынным камбайне "Гомсельмаш". Хлебаробаў ушаноўвалі прадстаўнікі завода-флагмана.
Нашы аграрыі ўжо намалацілі больш як 5,82 млн тон збожжа з улікам рапсу. З іх 4,89 млн тон - зерневыя коласавыя і зернебабовыя культуры, 930 тыс. тон - рапс.
