Аб сур'ёзных намерах пашырыць бізнес-кантакты паміж краінамі гаварылі сёння і ў знешнепалітычным ведамстве краіны. Апроч эканомікі, гаворка ішла, у тым ліку, аб больш цесным супрацоўніцтве паміж універсітэтамі, установамі культуры, спорту і сродкамі масавай інфармацыі.
Уладзімір Макей, міністр замежных спраў Беларусі:
"Беларусь разглядае Бельгію ў якасці аднаго з найважнейшых партнёраў у ЕС. Мы зацікаўленыя ў максімальна магчымай актывізацыі ўзаемавыгаднага супрацоўніцтва, першым чынам, у эканамічнай сферы, уключаючы рэалізацыю інвестыцыйных праектаў, развіццё прамысловай кааперацыі з улікам пазітыўнага вопыту, а таксама пашырэння ўзаемадзеяння ў сферы лагістыкі, энергетыкі, хімічнай і харчовай прамысловасці."
Дзідзье Рэйндэрс, намеснік прэм'ер-міністра, міністр замежных і еўрапейскіх спраў Бельгіі:
"Вельмі важна дэманстраваць новыя станоўчыя крокі ў сферы вяршэнства закону ў Беларусі для працягу дыялога. Гэта можа прывесці да далейшага станоўчага руху ў рэчышчы развіцця нашых адносін па такіх пытаннях, як спрашчэнне візавага рэжыму".
Візіт Дзідзье Рэйндэрса носіць сімвалічны характар. Гэтая сустрэча ў Мінску адбылася ў год 25-годдзя ўстанаўлення дыпадносін паміж Беларуссю і Бельгіяй.
