Усе рэгіёны Беларусі завяршылі церабленне льна. Падыходзіць да канца і ўборка збожжавых, зернебабовых і рапсу. Намалочана амаль 7 млн тон новага ўраджаю. З іх 5 млн 849 тыс. тон - збожжавыя каласавыя і зернебабовыя культуры, больш як 935 тыс. тон - рапс. Услед за Брэсцкай вобласцю да фінішу набліжаюцца Мінская і Гродзенская вобласці.
Салому сабралі на 57 % скошаных плошчаў. Азімы рапс пасеялі на збожжа на 95 % плошчы краіны. Скончылі сяўбу Мінская, Брэсцкая, Магілёўская і Віцебская вобласці. 408 тыс. тон сабрана зялёнай масы кукурузы.
Гаспадаркі краіны ўбіраюць і бульбу. Ураджайнасць складае 321 ц/га.
