Электронныя грошы як законны плацежны сродак. У Беларусі ў 2025 годзе з'явіцца свой лічбавы рубель.
Першапачаткова тэхналогію запусцяць у тэставым рэжыме для разлікаў паміж юрасобамі, а пасля, у 2026-м, да яе могуць далучыцца і фізасобы. Таксама лічбу плануюць актыўна задзейнічаць для трансмежных аперацый.
У тэхналогіі ёсць і антысанкцыйная скіраванасць, бо яна дазваляе весці разлікі з іншымі краінамі, якія развіваюць уласныя лічбавыя валюты, абыходзячы, напрыклад, міжнародную сістэму СВІФТ.
Лічбавы рубель - гэта трэцяя форма грошай, нароўні з гатоўкай і безнаяўнымі грашыма. Яна ўжо актыўна выкарыстоўваецца ў Кітаі. Да тэхналогіі далучаюцца і нашы партнёры па ЕАЭС - Расія і Казахстан.
