Развіццё гандлёва-эканамічных адносін і нарошчванне тавараабароту - сярод асноўных задач у двухбаковых адносінах Беларусі і Сербіі. Супрацоўніцтва ў гэтай сферы будзе абмяркоўвацца ў Мінску ў студзені на пасяджэнні міжурадавых камісій дзвюх краін.
Аб гэтым паведаміў пасол Беларусі ў Сербіі Велька Кавачэвіч. Таксама важнай сферай для інтэнсіўнага развіцця з'яўляецца турызм. Свой патэнцыял у гэтым кірунку напярэдадні прэзентавалі ў Пасольстве Сербіі ў Мінску.
Велька Кавачэвіч, Надзвычайны і Паўнамоцны Пасол Сербіі ў Беларусі: "Турызм, як мы ўсе ведаем, з'яўляецца не толькі эканамічнай галіной. Ён вельмі важны для іншага боку двухбаковых адносін Сербіі і Беларусі - гэта развіццё міжчалавечых адносін паміж такімі братэрскімі краінамі, як Сербія і Беларусь".
Пасол Сербіі таксама адзначыў, што апошнія гады назіраецца пазітыўная дынаміка павелічэння патоку турыстаў як з Беларусі ў Сербію, так і наадварот.
