Новыя рэсурсы ў аграпрамысловым комплексе цэнтральнага рэгіёна. У Мінскай вобласці ў наступным годзе пабудуюць больш за 20 малочна-таварных комплексаў. Паводле слоў спецыялістаў галіны, некаторыя з аб'ектаў будуць на тысячу кароў дойнага статка. Многія з новых ферм стануць вытворцамі сыравіны для філіялаў Слуцкага сыраробнага камбіната. Адначасова і самі перапрацоўшчыкі гэтага холдынга абнаўляюць свае цэхі. Так, у Салігорску, дзе спецыялізуюцца на выпуску натуральна-малочнай прадукцыі, з'явіцца новая лінія.
Выпускаюць у Салігорску і адзіны сыр - звышцвёрды з кменам. У гастранамічнай візітоўцы горада шахцёраў - свае традыцыі. Такі сыр не спее, а сохне ў спецыяльнай камеры. Гэта літаральна эксклюзіў - ручная работа дазваляе вырабляць усяго 400 кілаграмаў за месяц. Пры гэтым попыт на такую прадукцыю павышаны.
У наступным годзе АПК Мінскай вобласці плануе выпускаць і мяккі сыр тыпу "Камамбер". Праект па імпартазамяшчэнні рэалізуюць на прадпрыемстве ў Вілейцы холдынга "Першы малочны".
