Укладваецца бетоннае пакрыццё на апошніх 20 кіламетрах. Дарожныя работы сканцэнтраваныя на тэрыторыі Мінскага, Дзяржынскага і Валожынскага раёнаў. Новы высокаскорасны ўчастак даўжынёй 41 кіламетр злучыць трасы Мінск - Гродна і Брэст - Масква.
Калі ж будзе гатова другое кальцо і як ідзе ўкладка бетона? З галоўнай дарожнай будаўнічай пляцоўкі рэгіёна - Надзея Сербіненка.
Агульная працягласць - 160 км. Прапускная здольнасць - 20 тысяч аўтамабіляў за суткі. Тысяча будаўнікоў і сотні адзінак тэхнікі. Праца на другім участку другой кальцавой дарогі вакол Мінска вядзецца 24 гадзіны за суткі. Днём - кладка цэментабетоннага пакрыцця, ноччу - нарэзка швоў і падрыхтоўка тэхнікі да новага дня.
Укладка бетоннай дарогі - складаны тэхналагічны працэс. Пакрыццё складаецца з трох пластоў. Ніжні - гэта так званы тонкі бетон, на яго ўкладваецца пласт асфальту, а накрывае дарогу трывалы арміраваны бетон. Агульная таўшчыня такога "слоенага пірага" - 42 сантыметры.
так выглядае новая бетонная дарога. Пакуль тут курсіруе толькі будаўнічая тэхніка, але першы паток звычайных машын пройдзе тут ужо да канца гэтага года.
Стварае новую трасу бетонаукладачны комплекс. Ён рухаецца без прыпынкаў з хуткасцю 60 метраў за гадзіну. Спыняецца агрэгат толькі з заходам сонца.
Галоўны будаўнічы матэрыял для новай дарогі - высокатрывалы бетон - вырабляюць на мабільным заводзе. Кожная партыя праходзіць тэст на трываласць - на спецыяльным прэсе. Такі "краш-тэст" дазваляе дасягнуць тэрміну эксплуатацыі пакрыцця за 20 гадоў.
Галоўная задача другой мінскай кальцавой - разгрузіць машынапаток на першай МКАД. Другое кальцо перасякае Мінскі, Валожынскі, Смалявіцкі і Дзяржынскі раёны.
Гэта дасць імпульс да развіцця і гарадоў-спадарожнікаў сталіцы. Увод другой кальцавой аўтадарогі плануецца да першага студзеня 2017 года.
