Мытнае і тэхнічнае рэгуляванне, прамысловая кааперацыя і электраэнергетычны рынак - гэтыя тэмы сёння абмяркуюць у Маскве на пасяджэнні Савета Еўразійскай эканамічнай камісіі. У ім возьме ўдзел намеснік прэм'ер-міністра, член Савета ЕЭК ад Беларусі Ігар Петрышэнка. У цэлым парадак дня налічвае больш за 40 пытанняў, запланавана і абмеркаванне праекта дэкларацыі па далейшым развіцці інтэграцыйных працэсаў у "пяцёрцы", старт якому быў дадзены кіраўнікамі ўрадаў на мінулым тыдні ў Арменіі падчас пасяджэння міжурадавага савета. Таксама прадугледжана падпісанне пагаднення аб узаемным прызнанні банкаўскіх гарантый.
