Сур'ёзная размова адбылася падчас рабочай паездкі Аляксандра Лукашэнкі па Віцебскай вобласці.
Прадпрыемства мае стратэгічнае значэнне для рэгіёна. Арыентаванае на перапрацоўку мясцовай сыравіны ад сучасных жывёлагадоўчых комплексаў, якія растуць разам з актыўным развіццём Аршанскага раёна. Згодна з планам, тут павінен з'явіцца маштабны комплекс з высокай ступенню перапрацоўкі сыравіны. Аднак аб'ект гатовы толькі на 83 працэнты. Замест заяўленай здачы летам завяршэнне будаўніцтва чакаецца толькі ў лістападзе. Прэзідэнт даручыў заняцца цэнамі на будаўніцтва. Губернатару і віцэ-прэм'еру Аляксандру Субоціну даручана кантраляваць правядзенне адміністрацыйных працэдур, у тым ліку прыняцце рашэнняў па тэндарах.
Прэзідэнт раскрытыкаваў стан спраў на фабрыцы мастацкіх вырабаў
Сёння размова ішла і наконт лёсу Аршанскай фабрыкі мастацкіх вырабаў. Прадпрыемства з гісторыяй. Больш чым 80 гадоў выпускае сталовую і пасцельную бялізну, у тым ліку з нацыянальным каларытам, кашулі з вышыўкай, верхнюю вопратку і рабочае адзенне. Калектыў пераважна жаночы, працуе сем дзясяткаў чалавек. Зарабляюць не на прыгажосці і вышыўцы, а на рабочых рэчах - бяруць давальніцкія заказы. І сітуацыя на фабрыцы не самая добрая. Праблемы з папулярызацыяй прадукцыі. Была ідэя стварыць тут яшчэ адну вытворчасць - па пашыве абутку. Знайшоўся і інвестар у асобе "Белвеста". Прэзідэнт прыехаў на прадпрыемства, каб вызначыцца, як будзе лепш для фабрыкі і людзей. Прадаць і забыць - не варыянт. Не чакалі, што Аляксандр Лукашэнка пройдзецца па ўсіх цэхах - сучаснай вытворчасцю гэта не назваць. У выніку порцыя крытыкі дасталася кіраўнікам за стан спраў на фабрыцы.
Аршанскую фабрыку мастацкіх вырабаў перадаюць ільнокамбінату
Рашэнне па прадпрыемстве было прынята адразу. Важна захаваць спецыялізацыю і швачак - яны ўмеюць працаваць з ільняной тканінай. Пашыў такіх вырабаў перспектыўны, ёсць попыт у свеце. Атрымліваецца, што фабрыка - у плоскасці інтарэсаў Аршанскага льнокамбіната. Так і вырашана: яна пяройдзе пад яго крыло.
А. Лукашэнка: За кароткія тэрміны навесці парадак на фабрыцы мастацкіх вырабаў
Фабрыка з 1 жніўня паступае ў распараджэнне льнокамбіната. Прэзідэнт даручыў за кароткія тэрміны навесці парадак на гэтым аб'екце, стварыць нармальныя ўмовы для працы людзей.
"Да канца года фабрыка павінна мець прэзентабельны выгляд", - падкрэсліў Аляксандр Лукашэнка. Калектыву кіраўнік дзяржавы даручыў перадаць: "Да канца года тут зарплата будзе больш-менш нармальная. Людзі ў нас працавітыя - давай ім працу, яны будуць працаваць і трэба ім заплаціць".
Таксама кіраўнік дзяржавы запатрабаваў у найбліжэйшы час прызначыць дырэктара фабрыкі (зараз гэтая пасада вакантная). Прэзідэнт паабяцаў яшчэ раз асабіста наведаць фабрыку і праверыць, як выконваюцца яго даручэнні.
Наперадзе вялікі блок працы, у тым ліку па абнаўленні гэтай пляцоўкі. Што да інтарэсаў "Белвеста", Аляксандр Лукашэнка даручыў знайсці для прадпрыемства прыдатны ўчастак і там арганізаваць вытворчасць абутку. Вялікі рэпартаж з Оршы - сёння ў "Панараме".