Напярэдадні адбыўся анлайн-саміт ЕАЭС
Ініцыятарам размовы выступіў беларускі бок, які старшынствуе ў аб'яднанні. Так, жыццё і здароўе кожнага чалавека ва ўсіх дзяржавах ставіцца ў аснову асноў. Тым не менш менавіта зараз самы час накіраваць калектыўныя намаганні на перспектыву, выпрацаваць агульную эканамічную стратэгію процідзеяння. Прапановы Беларусі: жорсткі кантроль за таварамі павышанага попыту. Сродкамі індывідуальнай абароны і харчаваннем павінны ў першую чаргу забяспечвацца краіны аб'яднання.
Лагістычны патэнцыял ЕАЭС
Таксама варта арганізаваць на ўсёй прасторы ЕАЭС бяспечныя з пункта погляду медыцыны калідоры для транспарціроўкі грузаў. Магчымасці такога транзіту хутка могуць стаць вельмі запатрабаваныя не толькі для ўнутраных патрэб. На гэтым ужо зараз робяць акцэнт шматлікія эксперты (відэа).
Праца на перспектыву
Эгаістычныя рашэнні без аглядкі на найбліжэйшых партнёраў стратэгічна паспяховымі быць не могуць. Беларусь прапануе прапрацаваць агульныя для ЕАЭС механізмы рэагавання на глабальныя крызісы. Таксама лідары краін ЕАЭС атрымалі запрашэнне асабіста прыехаць у Мінск на саміт 19 мая. Для бяспекі ўдзельнікаў будуць прынятыя ўсе неабходныя меры.
