Уборку ўжо завяршылі 50 гаспадарак рэгіёна. Адстаюць толькі ва ўсходніх раёнах праз палегласць. Бура паклала на зямлю сцёблы, і абмалочваць такія каласы няпроста. Камбайны едуць з мінімальнай хуткасцю, каб захаваць ураджай. Акрамя гэтага, уборку ўскладняюць дажджы. За адзін дзень у Лунінецкім раёне выпала палова месячнай нормы ападкаў. Каб палі хутчэй высыхалі, у гаспадарках актыўна нішчаць пустазелле. Яно ўтрымлівае вільгаць.
Віталь Рудзь, начальнік аддзела камітэта па сельскай гаспадарцы і харчаванні Брэсцкага аблвыканкама: "Больш нізкія тэмпы ўборкі ў палескай зоне: гэта Лунінецкі, Ляхавіцкі раёны. Што да Ганцавіцкага раёна, прынята рашэнне для аказання ім дапамогі - збожжаўборачныя камбайны з Брэсцкага, Жабінкаўскага раёнаў паехалі туды".
