Аб гэтым сёння паведаміў журналістам кіраўнік місіі МВФ па Беларусі. Паводле яго слоў, распачатыя ўрадам дзеянні па стабілізацыі эканамічнай сітуацыі ўнутры краіны дапамаглі выраўнаваць абменны курс і знізіць інфляцыю. Пітэр Долман адзначыў станоўчыя змяненні па шэрагу важных кірункаў, якія абмяркоўваліся ў канцы мінулага года. У іх ліку - змяненні ў пенсійнай сістэме і сістэме ЖКГ.
Пітэр Долман, кіраўнік місіі МВФ па Беларусі:
"Хуткае паніжэнне курсу беларускага рубля падганяла інфляцыю і яшчэ больш пагоршыла фінансавы стан шматлікіх прадпрыемстваў. Урад прыняў энергічныя меры, каб стабілізаваць макраэканамічную сітуацыю. Гэтыя меры варта паставіць ураду ў заслугу".
Місія Міжнароднага валютнага фонду працавала ў Беларусі з 21 па 30 чэрвеня. За гэты час прадстаўнікі МВФ правялі ацэнку бягучай эканамічнай палітыкі і штогадовыя кансультацыі з уладамі.
