Перспектывам развіцця IT-галіны прысвечана нарада ў Прэзідэнта Беларусі. У лістападзе гэтую тэму ў сценах Палаца Незалежнасці ўжо абмяркоўвалі. Сёння да прадметнай размовы вярнуліся.
Падрыхтаваныя праекты ўказаў, якія павінны ўдасканаліць працу Парка высокіх тэхналогій. Пазіцыя Прэзідэнта нязменная - усе павінны працаваць першым чынам на Беларусь, а менавіта - на нацыянальную эканоміку і экспарт. У цяперашніх умовах задача не з простых. Але практыка апошніх гадоў паказвае - і ў такіх абставінах можна і трэба дэманстраваць вынік. Неабходна надаць новы імпульс развіццю, забяспечыць магчымасці для эфектыўнай працы - пазначыў задачы Аляксандр Лукашэнка і асабліва падкрэсліў, што датычыцца гэта не толькі рэзідэнтаў ПВТ, але і ўсёй IT-галіны ў краіне.
Прэзідэнт скіроўвае ўрад на аператыўную працу - важна прывесці нарматыўную базу ў адпаведнасць з прынятымі рашэннямі. Пры гэтым само кіраўніцтва ПВТ упэўнена, што беларускія праграмісты без праблем змогуць працаваць на высокаканкурэнтным азіяцкім рынку, як яны гэта рабілі на еўрапейскім і амерыканскім. Тым больш што кірунак зараз у цэлым перажывае пэўны ўнутраны крызіс.
Летась рэзідэнты парку заплацілі 750 мільёнаў рублёў толькі падаткаў. Прычым гэта лічба не знізілася ў параўнанні з мінулым аналагічным перыядам. Нягледзячы на ўсе "прагнозы апанентаў", IT у Беларусі працягвае працаваць і зарабляць.
