У Жодзіне сёння прэзентавалі адразу некалькі інавацыйных кар'ерных самазвалаў. Так, галоўным хітмейкерам стала электрамашына грузападымальнасцю 120 тон. Гэта сумесны праект Саюзнай дзяржавы Беларусі і Расіі. Акумулятар магутнасцю 1500 кілават ствараюць спецыялісты Расатама. Такі электратранспарт можа працаваць на адной зарадцы да 8 гадзін. Акрамя таго гасцям (а гэта больш за 160 чалавек з краін СНД і Азіі) прадэманстравалі і 130-тонны газавы самазвал. Асаблівую цікавасць уяўляе і гібрыдны - на вадародзе. Паглядзець і ацаніць машыны, якія збіраюць у Жодзіне, прыехала шмат прадстаўнікоў горнай прамысловасці Расіі.
Сёння ж гасцям паказалі і такое ноу-хау БелАЗа, як дызель-тралейвоз. Машыны такога роду таксама экалагічна чыстыя. Яны прайшлі выпрабаванні ў кар'ерах Расіі, зараз на прадпрыемстве рыхтуюцца да іх серыйнай вытворчасці.
