Мадэрнізацыя і актыўнае пасоўванне свайго тавару - Бабруйскі машынабудаўнічы завод ужо змог вярнуцца на дакрызісныя аб'ёмы вытворчасці. Зараз дынаміка нарастае. У часы Савецкага Саюза прадпрыемства было лідарам па вытворчасці помпаў для нафтавай і горназдабыўной прамысловасці. І сёння тут выпускаюць запатрабаваную ва ўсім свеце прадукцыю. Пра тое, як працуе антыкрызісная праграма, раскажа Андрэй Ястрабаў.
Першая цэнтрабежная помпа з канвеера Бабруйскага машынабудаўнічага завода сышла яшчэ ў далёкім 1951-м, калі краіна ўзнімалася з ваенных руін і наладжваліся сяброўскія партнёрскія адносіны з замежнымі краінамі. Дарэчы, Асуанская плаціна ў Егіпце дагэтуль у страі дзякуючы менавіта бабруйскім помпам.
Нафтавыя, грунтавыя, помпы для чыстай вады. Тут і сёння выпускаюць больш за сотню тыпаразмераў агрэгатаў. Самы хадавы - вось гэты. Для горназдабыўной прамысловасці.
Адна такая помпа здольная адпрацаваць амаль 30 гадоў без замены пры тэмпературы ад мінус 80 да плюс 400 (???) градусаў. Адсюль і попыт.
Сярод пакупнікоў нашы Нафтан, Беларуськалій, жыллёва- камунальная галіна. А яшчэ Арменія, Азербайджан і Прыбалтыка. Зноў пачалі працаваць з Узбекістанам і Якуціяй. І кожны зароблены рубель укладваюць у мадэрнізацыю. У складзе міжнароднага холдынга тут правялі маштабнае абнаўленне ліцейнай і апрацоўчай вытворчасцяў.
Як вынік - прадпрыемству ўдалося выйсці на дакрызісныя паказчыкі і нават перасягнуць іх.
Яшчэ адзін сакрэт поспеху - на прадпрыемстве ўкараняюць у вытворчасць свае ж распрацоўкі. На рахунку з дзясятак патэнтаў.
Напрыклад, ужо зараз тут запускаюць у серыйную вытворчасць новую помпу, аналагаў якой няма ў свеце. Яна не толькі звышмоцная, але і эканоміць электраэнергію. Выпрабаванні паказалі: за 6-7 месяцаў працы яна поўнасцю акуплівае сябе.
Валерый Ліхман, дырэктар ААТ "Бабруйскі машынабудаўнічы завод": "Галоўная задача была такая - загрузіць прадпрыемства працай, спыніць скарачэнне. З гэтым мы паспяхова справіліся. Ну і з тым, каб змяніць сістэму аплаты працы, даўшы людзям працу, каб людзі навучыліся зарабляць нармальную зарплату. У нас зарплата ўжо сёлета дзесьці на 20% павялічылася ў дачыненні да мінулага года".
Поўнасцю абнавіўшы службу продажаў, заняўшы агрэсіўную палітыку пасоўвання свайго тавару, на прадпрыемстве павялічылі колькасць кантрактаў амаль у 2,5 раза і на найбліжэйшыя пяць месяцаў забяспечылі сябе працай па 12 гадзін за дзень без выхадных. У планах прадпрыемства - развіццё сэрвіснага абслугоўвання ў краінах - імпарцёрах бабруйскіх помпаў, падрыхтоўка ўласных спецыялістаў. Наконт гэтага ішла размова і падчас сустрэчы кіраўніка галоўнага медыяхолдынга краіны з калектывам завода.
Ва ўмовах эканамічнага стрэсу і нестабільнасці, якія перажываюць краіны Еўропы, па словах Генадзя Давыдзькі, гэта станоўчы сігнал для беларускай эканомікі.
