Найбуйнейшы беларускі вытворца шын мае намер пацясніць канкурэнтаў на ўнутраным рынку. Выконваючы планы мадэрнізацыі і тэхнічнага пераўзбраення Белшына пашырыць лінейку прадукцыі. Стартуе праект па засваенні легкавых шын з дыяметрам 18 і 20 цаляў. Для гэтага выкарыстаюць новае нямецкае абсталяванне. Таксама сумесна з Міністэрствамі прамысловасці, сельскай гаспадаркі і харчавання плануецца правесці пераход ад камплектацыі энерганасычаных трактароў МТЗ, якія адрозніваюцца высокай хуткасцю працы, на беларускую шынную прадукцыю.
Засваенне выпуску новых відаў вырабаў - такую задачу ставіць перад сабой Міністэрства прамысловасці. На бягучы год плануецца выдзеліць на гэтыя мэты каля трыльёна рублёў.
