Беларусь умацоўвае міжрэгіянальнае супрацоўніцтва, кожны рэгіён Расіі цікавы нам па-свойму. Прамысловасць, IT-сфера, найноўшыя тэхналогіі ў АПК - усё гэта аб'ядноўвае Беларусь і Татарстан. Дэлегацыя разам з кіраўніком рэспублікі Рустамам Мініханавым і прадстаўнікамі некалькіх дзясяткаў кампаній прыехала ў Беларусь на 2 дні.
13 красавіка перамовы прайшлі ў Палацы Незалежнасці. Татарстан - адзін з самых эканамічна развітых суб'ектаў Расіі. У нас даўнія сувязі, там працуюць некалькі прадпрыемстваў з удзелам беларускага капіталу, наладжана зборка нашых трактароў. А сённяшнія рэаліі адкрываюць новыя магчымасці для супрацоўніцтва.
Краінам патрэбныя імпартазамяшчальныя вытворчасці. Добрая прамысловая база Мінска і Казані дазволіць рэалізаваць новыя праекты. Ілона Красуцкая распавяла пра гэта падрабязна (відэа).
