Двухгадовы план ахопіць усе сферы. Сёння ў расійскім рэгіёне працуе больш за 100 магазінаў з таварамі пад маркай "Зроблена ў Беларусі". Гэта мэбля, адзенне, абутак і прадукты харчавання. Даволі цесна Мінск і Тула супрацоўнічаюць у пастаўках пасажырскага транспарту - у горадзе вялікая колькасць беларускіх тралейбусаў і трамваяў.
Юрый Андрыянаў, першы намеснік губернатара - старшыня ўрада Тульскай вобласці (Расія): "Нас цікавіць лёгкая прыбіральная гарадская тэхніка. Таму што тыя мерапрыемствы, якія праводзяцца па добраўпарадкаванні гарадоў нашых, яны, натуральна, прадугледжваюць павелічэнне паставак і ўжыванне такой лёгкай, кампактнай, вёрткай і шматкамплектнай тэхнікі. У вас створана вытворчасць аўтамабільная, у нас ствараюцца такія вытворчасці, дзе трэцімі бакамі з'яўляецца КНР".
Падчас перамоў бакі абмеркавалі пытанні жыллёвага будаўніцтва. Расійскі бок зацікавіў прыклад Калужскай вобласці, дзе беларусы ўжо здалі пад ключ больш як 10 дамоў, і ў дадзены момант вядзецца будаўніцтва новага мікрараёна Вяснушкі. Таксама Тульская вобласць мае патрэбу ў пастаўках сельгастэхнікі.
Ігар Петрышэнка, Надзвычайны і Паўнамоцны пасол Беларусі ў Расіі: "Дастаткова сказаць, што трактарны парк налічвае парадку 4 120 трактароў, з іх 2 200 - гэта беларускія трактары. І мы маем намер за кошт сэрвісу пашыраць нашу ўдзельную вагу. Таксама тут прадстаўленыя нашы камбайны "Палессе", і апошнія закупы паказваюць, што наш тавар канкурэнтна здольны і запатрабаваны на рынку Тульскай вобласці, і мы маем намер гэта развіваць".
Падчас візіту беларуская дэлегацыя сустрэлася з губернатарам Тульскай вобласці. Аляксей Дзюмін нядаўна быў абраны на гэтую пасаду. Ён пацвердзіў настрой на далейшае супрацоўніцтва з Мінскам і перадаў у падарунак Прэзідэнту Беларусі ад жыхароў вобласці галоўны сімвал рэгіёна - тульскі самавар ХІХ стагоддзя.
