Асяцінскія пірагі, вярблюд-гігант, а таксама экалагічна чыстыя прадукты - прама з фермерскіх градак. У Маскве адкрылася галоўная аграрная выстава - "Залатая восень".
На пляцоўцы ВДНГ сабралася больш за дзве з паловай тысячы ўдзельнікаў з 63-ох рэгіёнаў Расіі. Міжнародную частку экспазіцыі прадставілі 12 краін - ад Абхазіі да Японіі, сярод якіх і 10 кампаній з Беларусі. Вытворцы сельгастэхнікі з Бабруйска прывезлі на выставу навінку ўласнай распрацоўкі - для раздрабнення, прэсавання і пакавання сена, лёну і саломы. Таксама на стэндзе адкрыта прэзентацыя беларускіх прадуктаў.
На выставе шырока прадстаўлена племянная жывёлагадоўля. Наведвальнікі ўбачаць пераможніцу "каровінай прыгажосці" па мянушцы Ключніца. Упершыню госцем "Залатой восені" стаў вярблюд - гігант з Астрахані. Параметры Хана ўражваюць. Вага амаль дзве з паловай тоны, вышыня - больш за два метры. Таксама тут можна ўбачыць знакамітых пуховых арэнбургскіх коз і экзатычных нубійскіх.
