Патрапіў у пастку. У Віцебску мужчына суткі правёў у вентыляцыйнай шахце дзіцячага сада. Жыхар абласнога цэнтра апынуўся там пасля вечарынкі. Палонны здолеў па мабільным датэлефанавацца родным і паведаміць, што не разумее, дзе знаходзіцца, і бачыць толькі неба над галавой. Кліч аб дапамозе пачула і вартаўнік дзіцячага сада. Паведаміла ў міліцыю. Брыгада ратавальнікаў дастала пацярпелага.
Марына Фандо, афіцыйны прадстаўнік Віцебскага абласнога ўпраўлення МНС Беларусі:
"Пасля прыбыцця на месца выкліку працаўнікі МНС правялі разведку па піску пацярпелага, які падаваў гукі. Пры дапамозе прамысловага перфаратара пацярпелага вынялі з шахты. Малады чалавек 96 года нараджэння быў пры памяці".
Пасля агляду медыкаў мужчыну адпусцілі дахаты - яго здароўю нічога не пагражала. Як апынуўся ў трубе памерам усяго 40 на 40 сантыметраў, успомніць не змог. Галаўны боль застаўся толькі ў супрацоўнікаў дзіцячага сада, якім зараз прыйдзецца закладаць дзірку ў сцяне.
