У Нацыянальным аэрапорце Мінск здзейсніў аварыйную пасадку грузавы самалёт

Сёння ў Нацыянальным аэрапорце Мінск здзейсніў аварыйную пасадку грузавы самалёт, які ляцеў у Саудаўскую Аравію. Аб гэтым паведамілі ў Мінскім гарадскім упраўленні МНС. Грузавы боінг авіякампаніі "Тэхавіясэрвіс" рухаўся рэйсам Мінск-Табук. На борце самалёта знаходзіліся 6 чалавек - усе члены экіпажа. Аб характары няспраўнасці не паведамляецца.