Суд вынес прыгавор па гучнай справе аўтахауса "АўтаКомпаніСевен"

Суд Заводскага раёна Мінска сёння вынес прыгавор па гучнай справе аўтахауса "АўтаКомпаніСевен". Пецярых падсудных прызналі вінаватымі ў махлярстве. Па справе праходзяць дзясяткі пацярпелых. Дырэктар кампаніі прыгавораны да 8 гадоў пазбаўлення волі з канфіскацыяй маёмасці. Яго саўдзельнікі атрымалі па 8 і 9 гадоў кожны. Нагадаем, кампанія займалася продажам ужываных аўтамабіляў. За некалькі гадоў фірма зарабіла добрую рэпутацыю. Але са снежня 2013 года бізнес пайшоў не па правілах. Пачаліся затрымкі па выплатах кліентам. Аўтамабілі, якія знаходзіліся на камісіі, збывалі праз перакупшчыкаў па цане, ніжэйшай за рыначную.