Сто гадзін грамадскіх прац, тысяча рублёў штрафу і год пазбаўлення волі з адтэрміноўкай пакарання на гэты ж тэрмін. Суд Першамайскага раёна сталіцы абвясціў прысуд у дачыненні жыхаркі Жодзіна, якая стукнула супрацоўніка метро. Інцыдэнт адбыўся ў маі на станцыі "Уручча". Інспектар спыніў жанчыну, каб праверыць ручную паклажу пасажыра. Калі дама паспрабавала ўцячы, мужчына схапіў яе за сумку, з якой выпалі асабістыя рэчы. За гэта жанчына некалькі разоў дала аплявуху супрацоўніку. Яе затрымалі, была ўзбуджана крымінальнае справа.
Міхаіл Мануілаў, старшы памочнік пракурора Першамайскага раёна г. Мінска: "Інспектар аховы метрапалітэна з'яўляецца службовай асобай. Нарматыўна-прававымі актамі, а таксама службовымі інструкцыямі на яго былі ўскладзеныя абавязкі па забеспячэнні грамадскага парадку на тэрыторыі метрапалітэна, забеспячэнні выканання пасажырамі правілаў перавозкі, а таксама іншых патрабаванняў, якія прад'яўляюцца да іх. Ён знаходзіўся ў фірмовым абмундзіраванні, здзяйсняў сваю службовую дзейнасць. У мэтах перашкаджэння службовай дзейнасці да яго быў выкарыстаны гвалт".
Пасяджэнне феміды было выязным, яно праходзіла ў электрадэпо Мінскага метрапалітэна. У зале прысутнічалі некалькі дзясяткаў супрацоўнікаў падземкі.
