Сёння раніцай на рэгуляваным пешаходным пераходзе машына збіла адразу трох чалавек. Дзве жанчыны і мужчына пераходзілі праезную частку на зялёны сігнал святлафора. Аўтамабіль "шэўрале" з расійскімі нумарамі прапускаў удзельнікаў дарожнага руху, але раптам вылецеў на пешаходаў. Як апынулася, яго пратараніў “фіят”, які ехаў ззаду. Пешаходы дастаўлены ў абласную бальніцу з рознымі траўмамі. Адна жанчына, 37-мі гадоў, знаходзіцца ў рэанімацыі. Як паказала экспертыза, абодва вадзіцелі былі цвярозымі. Зараз на месцы аварыі працуюць следчыя, высвятляюць усе акалічнасці здарэння.
Страшнае ДТЗ у Брэсце
12 мая 2015