На ажыўленым скрыжаванні "мерседэс" пасля сутыкнення з "вольва" збіў чатырох пешаходаў, якія чакалі зялёнага сігналу святлафора, пасля чаго ўрэзаўся ў прыпаркаваны побач аўтамабіль. Пешаходаў, сярод якіх мужчына і тры жанчыны, даставілі ў бальніцу. Вадзіцелі не пацярпелі.
На месца аварыі выехала наша здымачная група. Падрабязнасці ў Марыны Раманоўскай. Гэтыя кадры зробленыя літаральна праз некалькі хвілін пасля ДТЗ. У цэнтры Віцебска "мерседэс" сутыкнуўся з "вольва". Ад удару мікрааўтобус вылецеў на тратуар і збіў чатырох пешаходаў, якія ў гэты час чакалі зялёнага сігналу святлафора. Пасля наезду на людзей "мерседэс" урэзаўся ў прыпаркаваны на стаянцы "джылі".
Дзякуючы падушкам бяспекі, вадзіцелі не пацярпелі. Пешаходаў, сярод якіх мужчына і тры жанчыны, з рознымі траўмамі даставілі ў гарадскую бальніцу хуткай дапамогі. Паводле слоў медыкаў, зараз іх жыццю нічога не пагражае.
Па факце ДТЗ праводзіцца праверка. ДАІ шукае сведак аварыі. Таксама спецыялісты ўжо вывучаюць запісы з камер відэаназірання.
Гэта скрыжаванне адно з самых ажыўленых у цэнтры Віцебска. Таму, каб не ўскладняць рух, аўтамабілі з месца аварыі прыбралі за паўгадзіны. Што стала прычынай ДТЗ, спецыялістам яшчэ трэба высветліць. На гэты момант вядома, што абодва вадзіцеля былі цвярозымі.
