Камітэт дзяржбяспекі раскрыў буйную карупцыйную схему ў алкагольнай галіне Беларусі

У дачыненні сямі службовых асоб   узбудзілі крымінальныя справы. Вядома, у нашай краіне барацьба са смагай вось такой "шэрай нажывы" ўспрымаецца вельмі сур'ёзна, а значыць,   самыя жорскія меры закрануць і тых, хто ведаў, але маўчаў.

За не процідзеянне карупцыі вызвалілі ад пасады  кіраўніка канцэрна "Белдзяржхарчпрам"  Аляксандра Забэлу і гендырэктара ААТ "Мінск-Крышталь"  Станіслава Іодзіса. Наўрад ці для іх гэта быў сюрпрыз. Хабарам не месца ў дзяржаўнай сістэме. "Вынішчаць на корані" - выразны меседж Аляксандра Лукашэнкі, які гучаў не аднойчы. Ад правасуддзя  не сыдзе ніхто, нават топавыя чыноўнікі.

Таксама атрымалася і з двума бізнесменамі,  якія лабіравалі  інтарэсы сваіх камерцыйных кампаній. Яны і трапілі ў поле зроку Феміды. За грашовую  ўзнагароду  камерсанты  вырашалі пытанні паставак прэпаратаў, інгрэдыентаў і абслугоўвання абсталявання. Службовыя асобы  прадпрыемстваў алкагольнай прамысловасці ў Мінскай і Віцебскай абласцях  атрымлівалі за садзейнічанне ад 500 да 15 тысяч долараў (у залежнасці ад памеру кантракта). Гэта значыць,  вырашалі асабістыя фінансавыя пытанні, наносячы эканамічны ўрон  як заводу, так і працаўнікам, чые зарплаты залежаць ад поспехаў прадпрыемства. Больш за тое, з-за такіх набытых патуранняў пакутуе рынак сумленнай канкурэнцыі.

15 тысяч долараў  каштавала перамога ў тэндэры на мадэрнізацыю Багушэвіцкага філіяла. Усяго ж падчас следчых дзеянняў  у кіраўніка завода канфіскавана  75 тысяч долараў. Як відаць,   смага несумленнай нажывы  настолькі асляпіла фігурантаў, што яны і забыліся, наколькі   сур'ёзна ў Беларусі ставяцца да барацьбы з карупцыяй.