Фантан вышынёй практычна 10 метраў у Гродне

У Гродне прарвала трубаправод, які забяспечвае вадой прадпрыемства "Гродна Азот". Вада, што лінула з-пад зямлі, напорам разламала асфальт і змыла частку дачных агародаў. Супрацоўнікі прадпрыемства сваімі сіламі дастаткова хутка справіліся з сітуацыяй. Службу МНС на месца аварыі выклікаць не прыйшлося. Зараз трэба вырашыць галоўнае пытанне: хто будзе аднаўляць размытыя дарогі і практычна знішчаныя гароды. Вада з участкаў паступова сыходзіць.