Новыя падрабязнасці ў справе аб здарэнні ў Стоўбцах. З дапамогай відэазапісаў і паказанняў сведак следчымі адноўлена храналогія трагічных падзей у школе. Зараз праваахоўнікі працуюць з пацярпелымі, якія знаходзяцца ў бальніцы. Акрамя таго, супрацоўнікі СК вывучаюць актыўнасць падазронага ў сацыяльных сетках. Працягваецца аналіз камп'ютарнай тэхнікі і сайтаў, якія наведваў падлетак. Таксама сёння стала вядома, што падазроны адмаўляецца ад дачы паказанняў. Раней з'явілася інфармацыя, што ў рукзаку ў хлопца выявілі дымавыя шашкі, петарды і малаток. Расследаванне крымінальнай справы працягваецца. Разглядаецца пытанне аб прызначэнні шэрагу экспертыз, у тым ліку і ўзрыватэхнічных. Следчыя распытаюць сваякоў затрыманага і вучняў. Тым часам заняткі ў школе ў Стоўбцах сёння аднавіліся, але пабочных асоб у будынак не пускалі. На ўваходзе дзяжурыць супрацоўнік установы. Пацярпелыя падчас нападзення вучні адчуваюць сябе лепш. Іх стан ацэньваецца як сярэдняй ступені цяжару.
