"Яны забівалі анёлаў"

"Яны забівалі анёлаў"

11 красавіка - Міжнародны дзень вызвалення вязняў канцлагераў. У гэты дзень у 1945 годзе быў вызвалены лагер смерці Бухенвальд. Усяго праз вароты смерці ў гады Другой сусветнай прайшлі больш чым 18 мільёнаў чалавек, з іх 11 мільёнаў былі знішчаныя. Кожны пяты вязень быў дзіцем.

У дакументальным фільме "Яны забівалі анёлаў" размова ідзе пра найбуйнейшы нацысцкі лагер Асвенцім. Аўтары сустрэліся з тымі, хто на свае вочы бачыў, як спальвалі людзей, і знайшлі ўнікальныя дакументы аб беларусах, якіх цэлымі эшалонамі адпраўлялі на поўдзень Польшчы.