Пра надвор'е

Сёння надвор'е на тэрыторыі Беларусі вызначалі халаднаватыя няўстойлівыя паветраныя масы з поўначы Еўропы. У асобных раёнах краіны адзначалiся навальнiцы. Заўтра магнітных бур на тэрыторыі нашай краіны не прагназуецца. Геамагнітны фон – ад спакойнага да слабаўзбуранага. 13 ліпеня ў народным календары - Паўпятро. У гэты дзень прыкмячалi: калі камары і мошкі моцна кусаюцца, - да дажджу. Калі пчолы залятаюць далёка ў поле - да добрага надвор'я і цёплага вечара.