Дзеці штодзень гавораць па-беларуску ў гульнявым цэнтры "Казка-горад" Смілавіцкага садка.
Матчына - так ласкава называюць сваю мову беларусы, бо першыя родныя словы мы чуем менавіта ад калыскі, ад сям'і. Дзякуючы самабытнай моўнай спадчыне нацыя не страчвае сваю моўную культуру, захоўвае сваю непаўторнасць і ідэнтычнасць. У нашай краіне да нацыянальнай мовы ставяцца з асаблівай беражлівасцю і трапятаннем. Скарбонку трапных слоў ад дашкалят, вучняў і студэнтаў у Дзень роднай мовы сабрала наш карэспандэнт Наталля Бардзілоўская.
Беларус Несцерка вітае маленькіх землякоў. Моўную хвілінку ладзіць не за партамі - квест-інтэрактыў у забаўна-пазнавальным фармаце. Назаві герояў народных казак, падбяры малюнак, які адпавядае беларускаму слову, і выправі памылкі ў вядомых прымаўках.
Заданні на мове?! Лёгка. Гэтыя дзеці штодзень гавораць па-беларуску. Заняткі ў гульнявым цэнтры "Казка-горад" Смілавіцкага садка толькі частка адукацыйна-выхаваўчай праграмы, якую ажыццяўляюць 13 педагогаў.
Смілавіцкі дзіцячы садок № 2 сваю гісторыю вядзе з 80-х. А напачатку 2000-х установа атрымала статус беларускамоўнай. З ясельнай групы да выпускнікоў дзетак тут навучаюць роднаму слову - усе заняткі праходзяць па-беларуску.
Атрыманыя ад настаўнікаў веды дзеці нясуць дадому сваім татам і мамам. Так мацуецца і адраджаецца беларуская сямейная традыцыя.
Каларытная традыцыя Дня роднай мовы - батлеечны спектакль. А яшчэ паэтычныя прызнанні ад саміх дашкалят.
А гэтай моладзі сённяшні дзень дасць адзнаку. Да свята роднай мовы - традыцыйная дыктоўка. Праходзіць у кожнай школе.
У першай гімназіі Слуцка традыцыя спасціжэння роднай мовы - ад часоў ВКЛ. Біяграфія ўстановы - з 1612 года і магнатаў Радзівілаў. Як і гісторыю, роднае слова продкаў сучаснікі тут шануюць. А свае веды гімназісты дэманструюць падчас алімпіяды па беларускай мове "Бусляня". Для ахвотнікаў авалодваць мілагучным словам па-за школьнай праграмай ва ўстанове арганізаваны дадатковыя факультатывы.
Чутны пранонс, але раманс Багдановіча згадваецца і гучыць асабліва кранальна з вуснаў ураджэнца М'янмы. Аунч Кхант Він - не адзіны з замежных студэнтаў, хто ў Беларускім дзяржаўным тэхналагічным універсітэце разам з дакладнымі навукамі і тэхнічнымі спецыяльнасцямі спасцігае і беларускую мову і літаратуру.
Філіп Бас спявае на мандзінцы (нацыянальная мова Гамбіі). І кожны сёння, у Дзень роднай мовы, дзе б ні вучыўся, дзе б ні працаваў, ні жыў стараецца аддаць даніну павагі і любові тым словам, якія ўпершыню чулі ад матулі. Нездарма родная мова для кожнага чалавека завецца матчынай.
Дзеці штодзень гавораць па-беларуску ў гульнявым цэнтры "Казка-горад" Смілавіцкага садка.
Матчына - так ласкава называюць сваю мову беларусы, бо першыя родныя словы мы чуем менавіта ад калыскі, ад сям'і. Дзякуючы самабытнай моўнай спадчыне нацыя не страчвае сваю моўную культуру, захоўвае сваю непаўторнасць і ідэнтычнасць. У нашай краіне да нацыянальнай мовы ставяцца з асаблівай беражлівасцю і трапятаннем. Скарбонку трапных слоў ад дашкалят, вучняў і студэнтаў у Дзень роднай мовы сабрала наш карэспандэнт Наталля Бардзілоўская.
Беларус Несцерка вітае маленькіх землякоў. Моўную хвілінку ладзіць не за партамі - квест-інтэрактыў у забаўна-пазнавальным фармаце. Назаві герояў народных казак, падбяры малюнак, які адпавядае беларускаму слову, і выправі памылкі ў вядомых прымаўках.
Заданні на мове?! Лёгка. Гэтыя дзеці штодзень гавораць па-беларуску. Заняткі ў гульнявым цэнтры "Казка-горад" Смілавіцкага садка толькі частка адукацыйна-выхаваўчай праграмы, якую ажыццяўляюць 13 педагогаў.
Смілавіцкі дзіцячы садок № 2 сваю гісторыю вядзе з 80-х. А напачатку 2000-х установа атрымала статус беларускамоўнай. З ясельнай групы да выпускнікоў дзетак тут навучаюць роднаму слову - усе заняткі праходзяць па-беларуску.
Атрыманыя ад настаўнікаў веды дзеці нясуць дадому сваім татам і мамам. Так мацуецца і адраджаецца беларуская сямейная традыцыя.
Каларытная традыцыя Дня роднай мовы - батлеечны спектакль. А яшчэ паэтычныя прызнанні ад саміх дашкалят.
А гэтай моладзі сённяшні дзень дасць адзнаку. Да свята роднай мовы - традыцыйная дыктоўка. Праходзіць у кожнай школе.
У першай гімназіі Слуцка традыцыя спасціжэння роднай мовы - ад часоў ВКЛ. Біяграфія ўстановы - з 1612 года і магнатаў Радзівілаў. Як і гісторыю, роднае слова продкаў сучаснікі тут шануюць. А свае веды гімназісты дэманструюць падчас алімпіяды па беларускай мове "Бусляня". Для ахвотнікаў авалодваць мілагучным словам па-за школьнай праграмай ва ўстанове арганізаваны дадатковыя факультатывы.
Чутны пранонс, але раманс Багдановіча згадваецца і гучыць асабліва кранальна з вуснаў ураджэнца М'янмы. Аунч Кхант Він - не адзіны з замежных студэнтаў, хто ў Беларускім дзяржаўным тэхналагічным універсітэце разам з дакладнымі навукамі і тэхнічнымі спецыяльнасцямі спасцігае і беларускую мову і літаратуру.
Філіп Бас спявае на мандзінцы (нацыянальная мова Гамбіі). І кожны сёння, у Дзень роднай мовы, дзе б ні вучыўся, дзе б ні працаваў, ні жыў стараецца аддаць даніну павагі і любові тым словам, якія ўпершыню чулі ад матулі. Нездарма родная мова для кожнага чалавека завецца матчынай.
