Пра надвор'е

Сёння надвор'е на тэрыторыі Беларусі вызначаў атмасферны фронт з Заходняй Еўропы. Па заходняй палове краіны адзначалася ўзмацненне ветру, парывамі да 15-18 метраў за секунду. Заўтра магнітных бур на тэрыторыі нашай краіны не прагназуецца.

Геамагнітны фон - ад спакойнага да слабаўзбуранага. 12 сакавіка ў народным календары Рыгор. Казалі: "На святога Рыгора ідуць рэкі ў мора".  І прыкмячалі: "Паўднёвы ці паўднёва-заходні вецер - да пацяплення. Вераб'і збіваюцца ў чараду - да сухога і цёплага надвор'я".