Сёння надвор'е на тэрыторыі Беларусі вызначала халодная няўстойлівая паветраная маса. У начныя гадзіны амаль па ўсёй краiне адзначалiся замаразкі. Днём прайшлi кароткачасовыя ападкi - мокры снег i дождж. Заўтра магнітных бур на тэрыторыі нашай краіны не чакаецца. Геамагнітны фон слабаўзбураны.
8 кастрычніка ў народным календары Сяргей. Прыкмячалі, калі на Сяргея добрае надвор’е, дык стаяць яму цэлыя тры тыдні. Назіралі і за ветрам: калі ён дзьмуў з поўначы, гэта прадказвала халодную зіму, калі з поўдня - цёплую, калі з захаду - снежную.
Інфармацыя з гісторыі метэаназіранняў на 8 кастрычніка: самая халодная ноч была ў Клічаве ў 2015 годзе - звыш 8 градусаў марозу, а самы цёплы дзень ў 1929 годзе ў Мар'інай Горцы. Тады тэрмометры паказалі больш за 25 градусаў цяпла.