Пра надвор'е

Сёння надвор'е на тэрыторыі Беларусі ноччу вызначала халодная паветраная маса, днём – атмасферныя франты. Ноччу месцамі па краіне тэмпература паветра паніжалася да 25-26 градусаў марозу. На асобных участках дарог захоўваецца галалёдзіца.
Заўтра магнітных бур на тэрыторыі нашай краіны не прагназуецца. Геамагнітны фон ноччу ўзбураны, раніцай і на працягу дня слабаўзбураны, вечарам прагназуецца спакойнае геамагнітнае становішча.
Некалькі народных прыкмет: калі вецер у гэты дзень дзьме з захаду - лета будзе навальнічнае. Калі зорак шмат і месяц яркі - да марозных дзён.