Пра надвор'е

Заўтра магнітных бур на тэрыторыі нашай краіны не прагназуецца. Геамагнітны фон  слабаўзбураны. 20 кастрычніка ў народным календары Сяргей. Прыкмячалі: калі ў гэты дзень зямлю сняжком пакрые, то з лістападаўскай Матроны зіма ўстане на ногі. Калі выпадзе снег, і пры гэтым на дрэвах застаецца лісце,  снег хутка растане. 
Пра надвор'е на найбліжэйшы час, але спачатку інфармацыя з гісторыі метэаназіранняў: самая халодная ноч была ў Магілёве ў 1940 годзе - амаль 15 градусаў марозу, а самы цёплы дзень у 2019 - у Жыткавічах тэрмометры паказалі больш за 22 з паловай градусы цяпла.