Пра надвор'е

18 сакавіка магнітных бур на тэрыторыі Беларусі не прагназуецца. Геамагнітны фон слабаўзбураны.

Заўтра ў народным календары Конагароднік. У народзе прысвятак прысвечаны агародніцкай справе. Казалі: прыйшоў Конан, каб вывесці ўсіх на гароды. І прыкмета пра надвор’е: калі на Конана ясна, то за ўсё лета ні разу не пойдзе град, пашкоджанняў ураджаю ад граду не будзе.

Інфармацыя з гісторыі метэаназіранняў: самая халодная ноч была ў Васілевічах у 1898 годзе - 25,5 градуса марозу, а самы цёплы дзень у 2012: у Лельчыцах тэрмометры паказалі больш як 19 градусаў вышэй за нуль.