Ці думалі вы наконт таго, у якіх дзяржавах плануеце выступіць перад конкурсам? Як здаецца мне, песня патрабуе вялікага піяру на тэрыторыі карін-удзельніц, бо невялікая колькасць людзей зразумее яе словы.Вялікі дзякуй вам за такую добрую песьню і жадаю поспехаў на самім конкурсе!
Арцём: Дзякуй вялікі Вам за пытанне, мы паспрабуем зрабіць усё тое, каб паказаць і распіярыць нашу песню, каб быў пэўны флэшмоб, таму што ёсць за што зачапіцца. У нас у песні ёсць такая распеўка прыпеўная, якая чапляецца да людзей, і людзі з розных краін могуць яе заспяваць. Цяжкасці ў гэтым не павінна быць. Песня лёгкая, завадная, і куды больш складана было б нам, калі б мы спявалі нейкую баладу або твор на сацыяльныя тэмы. Зараз шмат чаго дрэннага адбываецца ў свеце, і людзям трэба пераключацца. Проста прыйсці на мерапрыемтсва, атрымаць задавальненне. Трэба быць аптымістам у любым выпадку.
