Пра надвор'е

Заўтра магнітных бур на тэрыторыі нашай краіны не прагназуецца. Геамагнітны фон - ад спакойнага да слабаўзбуранага. Некалькі народных прыкмет. Калі 1 снежня надвор'е добрае, то будзе пагодная і ранняя вясна. Адліга пры паўднёва-заходнім ветры - чакай устойлівае пахмурнае і снежнае надвор'е, без вялікіх маразоў. Інфармацыя з гісторыі метэаназіранняў на 1 снежня: самая нізкая начная тэмпература паветра была на станцыі "Палеская" ў 2010 годзе - 29,5 градуса марозу, а дзённы тэмпературны максімум адзначаны ў Лельчыцах у 2009 - амаль 10,5 градуса цяпла.