Пра надвор’е

Заўтра магнітных бур на тэрыторыі нашай краіны не прагназуецца. Геамагнітны фон - ад узбуранага ўначы да слабаўзбуранага на працягу астатняга часу сутак.

І некалькі народных прыкмет: аблокі плывуць высока і хутка - да добрага надвор'я, калі цёмныя аблокі рухаюцца ціха - да зацяжнога дажджу.             

А зараз пра надвор'е на найбліжэйшы час, але спачатку крыху цікавай інфармацыі  з гісторыі метэаназіранняў. Самая халодная ноч была ў Горках у 1929 годзе - 11 з паловай градусаў марозу, а самы цёплы дзень у 1972-м - у Жыткавічах тэрмометры паказалі больш за 26 градусаў цяпла.