Пра надвор'е

Заўтра магнітных бур на тэрыторыі нашай краіны не прагназуецца. Геамагнітны фон - ад спакойнага да слабаўзбуранага.

8 лiпеня - дзень Пятра i Фяўроннi - апекуноў шлюбу i сям’i. Лiчылася, што ад гэтага дня павiнна быць 40 спякотных дзянькоў. А потым лета пачне змяняцца на восень. А яшчэ прыкмячалі: "Паўночны вецер падзьмуў - да ясных дзён. Усходні вецер - да дажджу".

А зараз пра надвор'е на найбліжэйшы час, але спачатку інфармацыя з гісторыі метэаназіранняў: самая халодная ноч была ў Брагіне ў 2017 годзе - плюс 3 градусы, а самы цёплы дзень у 1999 у Мазыры - тэрмометры паказалі 35 градусаў цяпла.