Скажите, а Каляды - это чисто славянская традиция или в европейских странах есть что-то похожее?

Алена Ляшкевіч: Калядаванне мае індаеўрапейскія карані. Увогуле гэта не толькі калядны абыход, а ўвесь калядны комплекс з варожбамі, застоллямі, з гуляннямі моладзевымі і не толькі моладзевымі. Падобныя абрады былі ў шматлікіх народаў Еўропы. Але калі мы кажам пра захаванасць на сённяшні дзень, то такі хрысціянскі складнік выціскае дахрысціянскі, таму мы можам чуць, што дзесьці спяваюць календы, дзесьці ксёндз ходзіць па калядзе, але таксама старажытны складнік выціскаецца і масавай культурай. Мы можам бачыць і таго ж Санта-Клауса ці ў нашых шыротах Дзеда Мароза, але старажытны пласт даволі жыва захаваўся ў Беларусі. Гэта наша асаблівасць.