Камедыйны серыял "Татулі"
Інакенцій Бочкін, які займаўся раней падробліваннем палотнаў вядомых мастакоў, правёў у зняволенні дваццаць гадоў, прычым па несправядлівым прысудзе. Зараз ён выйшаў на волю і хоча наладзіць адносіны з дачкой Насцяй, якая пасталела за гады яго адсутнасці і пераняла ад бацькі пачуццё прыгожага і любоў да жывапісу, стала мастацтвазнаўцам, спецыялістам па фламандскіх майстрах. Увесь час, што Бочкін знаходзіўся ў месцах не такіх аддаленых, Насцю выхоўваў айчым - былы падпалкоўнік міліцыі Васіль Тучкоў. Менавіта Тучкоў калісьці адправіў Бочкіна ў турму за валютныя махінацыі, а зараз быў вымушаны выйсці на пенсію, саступіўшы сваё месца следчага крымінальнага вышуку беспрынцыповаму і прадажнаму вылучэнцу падпалкоўніку Брунькову.
Прадставіўшыся Насці яе калегам, які прыехаў у сталіцу з Сібіры для збору матэрыялу да сваёй дысертацыі, Бочкін інсцэніруе няшчасны выпадак, пасля якога дзяўчына лічыць сваім абавязкам пакінуць яго дома ў якасці пастаяльца. Зараз Насцю і яе двух бацькоў чакае нямала прыгод, бо воляю акалічнасцяў Бочкін вымушаны па заказе аўтарытэта выкрасці карціну ў чыноўніка, які, даведаўшыся пра гэта, усімі даступнымі яму сродкамі імкнецца адправіць яго назад у турму перш, чым ён учыніць крадзеж…
Лірычная камедыя, Расія - Украіна, 2011 г.
Рэжысёр - Л.Мазор
У ролях: Р.Мадзянаў, С.Газараў, Н.Наздрына, Т.Догілева, Д.Мухамадзееў, А.Пашуцін, В.Афанасьеў, Ю.Аляксандрава.