12 унікальных відэаролікаў, заснаваных на рэдкіх архіўных кадрах з фондаў Белтэлерадыёкампаніі, распавядаюць пра развіццё Беларускага тэлебачання, жыццё, спорт, культуру і побыт беларусаў дзесяцігоддзі таму.
"БТ - 60. Наша гісторыя" адраджае каштоўныя імгненні мінулага для павышэння цікавасці маладой аўдыторыі да гісторыі свайго горада, сваёй краіны і, у прыватнасці, да працы найбуйнейшага медыяхолдынга краіны. Для больш дарослага пакалення гэты праект - унікальная магчымасць успомніць, як гэта было, і на імгненне акунуцца ў атмасферу тых гадоў. Кожны відэаролік - асобная гісторыя з розных сфер жыцця, захаваная на плёнку, беражліва адрэстаўрыраваная і перанесеная ў лічбавы фармат.
"БТ - 60. Наша гісторыя" - сумесны праект трох структур Белтэлерадыёкампаніі: Галоўнай дырэкцыі інтэрнэт-вяшчання, Дырэкцыі фондавых матэрыялаў і тэлеканала "Беларусь 1".