Ахвярамі авіяўдараў саудаўскай кааліцыі ў Емене сталі 22 мірныя жыхары, у тым ліку жанчыны і дзеці. Людзі загінулі ў выніку авіяналётаў у правінцыі Хаджа на поўначы арабскай краіны. Там апошнімі днямі еменскія паўстанцы-хусіты вялі баі з мясцовымі плямёнамі, што супрацьстаяць ім. Яшчэ 30 чалавек, сярод якіх 14 падлеткаў, атрымалі раненні. Прадстаўнікі саудаўскай кааліцыі ў Емене пакуль устрымліваюцца ад каментарыяў. З пачатку грамадзянскай вайны ў гэтай самай беднай краіне Аравійскага паўвострава загінулі больш чым 10 тысяч чалавек, 3 мільёны былі вымушаныя пакінуць свае дамы.
Ахвярамі авіяўдараў саудаўскай кааліцыі ў Емене сталі 22 мірныя жыхары
12 марта 2019