Жанчынам у Саудаўскай Аравіі дазволілі вадзіць аўтамабіль

Згодна з указам караля, гэта права будзе рэалізавана па законах шарыяту. Улады Саудаўскай Аравіі паказалі на станоўчыя бакі такога рашэння. Афіцыйна ў краіне не было забароны для жанчын вадзіць машыну, аднак вадзіцельскія правы могуць атрымаць толькі мужчыны. Калі ў грамадскім месцы жанчыну ўбачаць за рулём, яе могуць арыштаваць або аштрафаваць на буйную суму. У Саудаўскай Аравіі апошнія некалькі гадоў праходзілі акцыі пратэсту і кампаніі ў сацыяльных сетках супраць гэтай забароны.