Адзін чалавек стаіць за інцыдэнтамі з самаробнымі бомбамі ў ЗША. Так лічаць сілавікі. На іх думку, таксама частка пасылак з узрыўчаткай, атрыманых некалькімі публічнымі персонамі, была адпраўлена з Фларыды. Размова ідзе пра сартавальны цэнтр, размешчаны ў горадзе Опа-Лока на поўдні штата. Нагадаем, небяспечныя адпраўленні атрымалі экс-прэзідэнт ЗША Барак Абама, акцёр Роберт Дэ Ніра, фінансіст Джордж Сорас і іншыя. У Нью-Ёрку некалькі разоў эвакуіравалі будынак, дзе размяшчаецца офіс тэлеканала Сі-эн-эн. А ў Вашынгтоне паліцыя прыбыла па званку супрацоўнікаў адной з радыёстанцый. На гэты момант ніводная бомба не нанесла ўрону. Праваахоўнікі працягваюць пошукі зламыснікаў.
